نشيد ضحايا بورسعيد

فى بورسعيد ضحايا شافوا الغدر قبل الممات
شافوا نظم خير ما بين حكمة و فوضى فى كل البلاد
كان فاكر حكمة يوم هيخلية فى اعلى مكان
و الشعب الثورى هيركع للعسكر زى زمان

‎...‎ اطلق فى كلابك كمان و الفوضى فى كل مكان
عمرى ما هديك الامان و لاتحكمنى يوم كمان
اطلق فى كلابك كمان و الفوضى فى كل مكان
عمرى ما هديك الامان و لاتحكمنى يوم كمان

فى بورسعيد كلاب لما العسكر فتحوا الباب
انطلقوا و الفوضى عمت و قلتوا اغلى الشباب
منهم كان المهندس و العامل و منهم ولاد
راحوا و كان مناهم حكمك لاغى فى البلاد

اه يا مجلس يا ابن الحرام بعت دم شهيد بكام
لاجل ماتحمى فى النظام اللى انتة منه كمان
اه يا مجلس يا ابن الحرام بعت دم شهيد بكام
لأجل ماتحمى فى النظام اللى انتة منه كمان

Ultras

عاوز تشوف شباب محترم بجد و رائع و منظم و لية انتماء و بيعرف يتكلم ,, رابطة اللتراس مش رابطة عادية بجد رابطة محترمة جدا و عظيمة خاصة انهم مترابطين و متكاتفين مع بعض و تمويل ذاتى بيبدأ بجنية لحد زى ما انت عاوز 

لو فية لتراس فى العالم يتدرس بأحترام هو اللتراس الاهلاوى ... طبعا اتفرج على اى التراس تانى فى العالم .. تلاقية مخدرات و خمور .. تعالى بقى اتفرج على اللتراس العربى ذو احترام و تقدير 

اللتراس دول تلاقيهم فى كل مكان ... فى منطقتك ,الشارع بتاعك ,فى العمارة بتاعتك , فى مدرستك , فى جامعتك , فى نادى , فى الجامع فى الكنيسة او فى حتى بيتك ووسط اهلك .... مش بقولك دول ناس كويسين 

و اية يعنى لما شباب محترم زى اللتراس يعمل اعتصام عشان شاف ان اصحابهم ما أخدوش حقهم ... ؟ اكيد ليهم حق فى كدا .. 

طبعا انت بتسألنى اية عرفك انهم شباب محترمين ؟

تعالى معايا وكنت تشوف الشباب المحترم اللى كل همه يأخد حق صاحبة يومة ماشى ازاى 

1 - بيروح الكلية او المدرسة و لما بيخلص بيرجع على خيمتة 

2 - بيصلوا فروض ربنا 

3 - طلبوا ان البنات ما تباتش معاهم عشان ما حدش يقول ان فية بنات و بتاع ... و الاهم من كدا خافوا لو فية حاجة عليهم يتلخموا فى البنات 

4 - كل اللى طالبينة قصاص عادل ... مش طالبين اكتر من كدا 

5 - عاوزك تشوف الخيم بتاعتهم و المذاكرة اللى فيها 

6 - شكلهم ولاد ناس و باين جدا

يا جماعة بجد انا شفت حاجة غريبة ان كل اللتراس بيغنى فى نفس واحد حتى اللى بعيد عنهم بيغنى و بيهتف زيهم .. و انا من كتر ما كنت وسطيهم فترة طويلة حفظت كام حاجة ليهم و كنت عاوز احفظ الباقى فاقيت ورق مع ناس فقلت ليهم اخد الورق بتاع الهتاف دا منين ؟

قالوا لى المكتبة اللى على الجنب دى بتصور الورق بتاعنا بجنية روح و أستلم نسخة 

و بالفعل رحت انا و صديق ليا ملزمة فيها 5 ورقات بجنية بــ 5 هتافات 

بجد كنت مبسوط جدا .. و يعتبر احسن اعتصام شفته و قررت انى اكون واحد من اللتراس عشان ليهم هدف نبيل ( خاف على ناديك , خاف على فريقك , خاف على بلدك ) هو دا اللتراس المحترم 

سنحيا حلزونيين دائريين

مصطلحات غريبة جدا بتسمعها فى كل وقت زى رئيسا توافقيا لمصر ...
يعنى اية ؟
مصطلحات غريبة و عجيبة و مجنونة ... طب اية رأيكم فى مصطلح احلى من كدا بكتير
حلزونى دائرى
و دا شعار الأنتخابى اللى هأنزل بيه
افضل شئ ان احنا كلنا نكون حلزونين دائريين
هأتشوف ان الحلزونى الدائرى دا شئ هايل فى حياتك كلها .. تلف و تدور و توصل لنفس النقطة اللى انت وصلتها تانى تقوم تلف تانى و تالت ورابع لحد ما يكون عندك قناعة بقاعدة الحلزونى الدائرى

حملة حلزونى دائرى لازم تكون فى جميع اطياف مصر عشان يعرفوها

دى قاعدة سهلة جدا اسهل من قاعدة ارشميدس و نظرية لولبية رائعة فى نمط لوجستى منهمك فى انصياع الى اوضاع المجتمع العائم فى دوائر الهم المبالغ فية من الازمات المتواصلة بحدية ساخرة كى تنهمك فى اعماقها

و لو مش فاهم اى حاجة من المكتوبة بالاحمر انسى و خد البنسى

لازم كلنا نعيش شعارنا دا

سنحيا حلزونيين دائريين

محلك سر

محــــــــــــــــــــــــــــــــلك سر

بعد كل التعب و الهتاف اصبح كل شئ محلك سر و ما فيش اى حاجة حصلت عشان نقول احنا حاسين بفرق .. هو الثورة اتعملت عشان احمد عز و عادلى و جرانة و مغربى و جمال و علاء و مبارك و زكريا عزمى و نظيف و بــــــس ؟ ولا كان ليها هدف تانى المفروض ان كان الشعار بتاعنا (عيش , حرية , عدالة اجتماعية ) !

للأسف لا شئ من مطالب الثورة الاساسية تحقق او يتحقق .. نحن محلك سر لا نتقدم خطوة للأمام , حتى و لو تقدمنا خطوة بتكون نتائجها غريبة

الشعب رشح الاخوان

هايل طب الأخوان فين من الازمات و القرف اللى موجود ؟ خلاص الفكرة كلها اصبحت ان الاخوان جالسين على مقاعد مجلس الشعب و بس ؟ فين الحلول المقدمة ؟ فين العين الحمرا اللى احنا كنا منتظرينها ؟ فين كل الكلام دا ..؟ عاوزين شرعية اية تانى عشان تتحركوا ؟

حق الشهداء فين ؟

هل يعقل ان نائبة محترمة تقول كل ما نسأل على شهيد يطلع عليه احكام ؟ يعنى كل الشهداء اللى انت شايفهاهم بلطجية ؟ طب ما انت كانت عنيكى بتسح دموع لما اكرم الشاعر اتكلم على ابنة .؟

فين العيش ؟

و الله لحد دلوقتى الناس تعبانة و متبهدله .. و يوم ما يكون الدقيق موجود مافيش سولار او غاز عشان نخبز .. يبقى فين العيش ؟ بلاش كلمة عيش بمعنى خبز و نخليها العيش

العيش اللى كل شاب بيتمناة انة يعيش فى بلدة ؟

فين الحرية ؟

هو انت فاكر ان الحرية دى حاجة وحشة ؟ الحرية دى يا محترم حاجة جميلة جدا بس اشعر بيها الاول و انت تعرف ان دا شئ رائع ... لما تحس بالحرية فى بلدك ابقى كلمنى

فين العدالة الاجتماعية ؟

اكيد كل الكلام دا مش موجود فى وقتنا الحالى  لو استمرينا بالوضع دا هانفضل زى ما احنا .. محلك سر

قانون العمل المصرى

حتى بعد الثورة لسه فية ناس مش واخدة حقها نهائيا و مفرومة و متبهدلة و مترمرمطة و مش قادرة تعمل اى حاجة بسبب قانون العمل و ثغرات قانون العمل
انا واحد من الناس دول اللى فارم عليهم القطاع الخاص و مخليهم يتسحلوا و مش عارفين يعيشوا حياتهم الطبيعية زى أى شخص عادى و كل دا بيحصل بسبب قوانين هبلة و متخلفة و لو لينا حق ما بتخدهوش و اخبط دماغك فى اقرب حيط , المشكلة مش انا لوحدى دا ناس كتير بنفس الأتجاة دا اللى هايخلينا نتجنن خلاص
مافيش امان .. ممكن تتفصل لأى سبب كان بدون اى واجه حق حتى و لو عرضت و قلت و اتكلمت انت خلاص مفصـــــــــــول ...
لكن انا قررت خلاص مش هأسكت و انا عارف ان فية ناس كتير موجودين فى الساحة شبة مشكلتى دى بس للأسف مش عارف هأعمل اية
فية قرارات اخدتها و عاوز اعمل بيها او على الاقل اعمل اى واحد منهم عشان اخلص من القهر اللى انا فية

اول فكرة جات لى : اضراب عن العمل عشان نعلمهم الادب
و طبعا المشكلة ان دا مش هاينفع .. لية ؟ عشان معظم اللى انا شغال معاهم جبناء و فئران داخل جحور ..و لو عملت فيها عنتر هألبس فى الحيطة

الفكرة التانية : رفع شكوى لمكتب العمل ...
هاهاهاهاهاهااااااااااااااااى ... مكتب العمل ؟ اصلا دا مكتب مهبب بهباب و لسة متأندل و فية رشاوى و زفت و لو رحت اتكلمت مش بعيد يروحوا الشركة و يقولوا ليهم ان احنا وصلت لينا شكوى من واحد اسمه (.......) و يخلصوها برشوه و انا اللى اترفع رفعة حلوة

الفكرة الثالثة : اضرب عن الطعام
هو انا لاقى أكل اصلا عشان اضرب عنة

الفكرة الرابعة : نعمل ثورة تانية
عينى هى نجحت اولانى عشان تنجح التانية

الفكرة الخامسة : نعمل مؤتمر سرى بين الرجالة اللى عاوزة تشتكى
بس للأسف مافيش رجالة

الفكرة السادسة : اروح منظمة حقوق الانسان و أشتكى
حقوق انسان مين يا تعبان انت و هما يعنى مش عارفين ... دول اصلا غلابة و مش قادرين على حد

الفكرة السابعة : النائب العام
نائب على روحة ... هو بيعرف يعمل حاجة عشان يبصل اصلا على شكوتنا

الفكرة الثامنة : مجلس الشعب
مجلس الشعب ... احلى مجلس يعنى هما عملوا حاجة اصلا عشان يشوفوا المشكلة دى

الفكرة التاسعة : محضرفى القسم
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ شكلى اية قدام الناس

الفكرة العاشرة : اشرب توسكافين
فكرة حلوة بس التوسكافين غالى شوية

الفكرة الحادية عشر : اعرض مطالبك فى ميدان التحرير
حلوة الفكرة دى بس اليفط غالية شوية

الفكرة الثانية عشر : اسكت و ماتكلمش خالص و كمل شغلك
شكلى هأعمل كدا

الفكرة الثالثة عشر : اكنس عليهم السيدة
دا انا كنست الشوارع القاهرة كلها مش السيدة بس

الفكرة الرابعة عشر : اكشف شعرك و ادعى عليهم ....
انا اقرعيت خلاص ..

الفكرة الخامسة عشر : سلم امرك لله ... و نعم بالله

انا قررت انى اسلم امرى لله و هو المستعان

عيون موسى

من اهم المواقع الموجودة بمصر ... مكان رائع جدا ... لكن للأسف مكان قد اهمله الناس و اصبح تراثا مغشى علية ... ارجوكم يا وزارة الاثار اهتموا به فهو دخل رائع جدا لمصر و المصريين ...

قصة عيون موســـــــى

عندما نجا سيدنا موسى من فرعون و جنوده بعد ان اجتازوا  البحر اصاب قوم موسى العطش فضرب بعصاه الارض فأنفجرت منها اثنى عشر عينا ... و كل قبيلة توجهت  الى العين الخاصة بهم ..

كنت اتعطش لسؤال مهم جدا فى رأسى لماذا اثنى عشر عينا ؟ هل لكثرة الاشخاص ؟ ام لسبب اخر لا يعلمة إلا الله ؟

السبب الرئيس الواضح و الموجود بالكتب و المعروف ان قوم اليهود قوما ضالون مضللون ... فأثنى عشر عينا مع اثنى عشر سبطا و الاسباط هم ابناء سيدنا يعقوب

وأسماؤهم روبيل وهو أكبرهم، وشمعون ، ولاوى ، ويهوذا ، وزيالون ، ويشجر وأمهم ليا بنت ليان وهي بنت خال يعقوب وولد له من سريتين أربعة نفر: دان ، ونفتالي ، وجاد ، وأشر ثم توفيت ليا فتزوج يعقوب أختها راحيل فولدت له يوسف ، وبنيامين فكان بنو يعقوب اثني عشر رجلاً بأثنى عشر سبطا

قوم لم يختاروا ان يشربوا من عين واحدة و بها حكمه عظيمة انهم متفرقون حتى بداخلهم و ما يدل على الكلام ان فى تجمعهم موتهم و نحرهم ان شاء الله و فى القريب العاجل ستسمع الخير عن الصهاينة و اليهود فيكون نحرهم بعون الله سبحانه و تعالى

مكان عيون موسى لا يوجد بة سوى ثلاث ابار فقط اما الباقى فأصبح داخل ثكنات عسكرية للجيش المصرى .. عيون موسى مهملة فى الواقع فهى مكان عابر لايهتم به و علمت بة بالصدفة للأسف ... انتمنى ان يكون المكان من اقوى البزارات السياحية المهمه بمصر ....

الاهم من كدا يا جماعة دى يافطة تمثل المجلس الاعلى للأثار فى مكان من احسن الاماكن الاثرية فى العالم ....؟؟؟