الثائر الحق !!!

الثائر الحق

اللى ينضرب و بعدكدا يتعالج و يروح المعركة عشان ينضرب تانى

الثائر الحق

اللى يقول لأبوه انه رايح مع صحابة مشوار و يقابلهم فى التحرير

الثائر الحق 

تلاقى الرئة بتاعته مليانة دخان مسيل للدموع و مضروب خرطوش

الثائر الحق

اللى يقول ان فية غلط فى البلد و بعدها يتقال له انة عميل كبير

الثائر الحق

اللى صحابة راحوا قعدوا على القهوة و هو قعد على اسفلت التحرير

الثائر الحق 

دائما عنية حمرا من دخان الغاز و من السهر فى البحث عن حل قضيتة

الثائر الحق

المغفلين يقولوا علية بلطجى و هو الوحيد اللى عارف انة ثائر

الثائر الحق 

تلاقى صوتة رايح من الهتاف 

الثائر الحق 

بنطلونة دائما جينز متوسخ و الكوفية بتاعتة رحيتها دخان 

.

.

.

.

.

.

.

.

.

و بس

لماذا قمنا بالثورة !!!

فى اعقاب الظلم المستديم من السلطة الموجودة , يأتى الشعب الفقير الصابر على البلاء كى يصرخ بصوت عال كى تشعر السلطة بوجودة على الارض ......فتسمع له و تقابلة بجفاء و ان خزينة الدولة لاتسمح لكى يعيش عيشة كريمة فيبدأبصوت اعلى كى يشعر به من حولة و يساندوة على تحمل الصعاب و بعد ان يعرف العالم مشاكلة تبدأ الحركة و يعلوا الصوت اكثر فأكثر كى يأخذ الفقير حقة ....
هذا لا يتحقق فى يوم و ليلة و لكن يحتاج الى ساعات , ايام , شهور , سنين و ينتهى بأسقاط السلطة ... وتأتى بعدها سلطة اخرى و يصبح الفقير بطلا مجهولا له اكتاف تركب عليها السلطة  
و كأنك يا ابو زيد ما غزيت 
هذا يحدث فى بلادى للأسف 
و نستنتج هذة المعادلة البسيطة من واقعنا المرير 

س / ص = ع

السلطة القديمة / الفقــــــــــــــــير = سلطة جديدة 

ولو فعلنا مفتاح للرموز 

س = السلطة القديمة = حاشية مبارك 

ص = الفقير = الشعب 

ع = السلطة الجديدة = المجلس العسكرى 

البرهان |   حاشية مبارك / الفقير = المجلس العسكرى 

و تصبحو على خــــــــــــــــــــــــــــــــــــــــــير 

الشعب يريد (رأس) المشير !!!

من السهل انك تقرأ عنوان زى دا فى اى جريدة .. لكن جريدة الوفد امر مريب شوية و كمان معروف عنها انها بتاعت النظام فى اى حال من حالاتة ... الغريب انى انهاردة اشتريت جريدة الوفد عشان العنوان بتاعها و الأغرب من كدا ان السيد البدوى قدم استقالتة من المجلس الاستشارى العسكرى بحجة انة خلاص تم مجلس الشعب و يريد ان يتفرغ للسياسة و شرفوا جداالفترة اللى كان فيها و اشتغل مع المجلس العسكرى .... دا كلام بردوا .... يا جماعة اكيد فية حاجة حصلت عشان كدا الوفد انسحب لكن اقدر اقول ان الزمن اللى اختارة السيد البدوى عشان يقدم استقالتة الشيك المحترمة تقوم جريدة الوفد تطالب برأس المشير .... اية الكلام الحلو دا ... الوفد فى صفحتها الاخير جايبة صورة صنية ميدان التحرير و كاتبة كلمتين (الوفد ......انزل) معناة اية بالضبط مش عارفين بس فية حاجة مريبة بتحصل ... انا بكتب دلوقتى عشان ما انساش بعد كدا حاجة و تكون مرجع ليا لما احتاجها ....... فية لعبة بتتعمل قبل يوم 25 يناير 2012 الله اعلم ابعادها اية ... قال الوفد بتطالب برأس المشير .... تخيل انت بقى 

مصر مش ميدان التحرير !!!

بعد سنة من الثورة فية ناس كتير هاتنزل يوم 25 يناير اللى جاى عشان تقول و تعلى صوتها من تانى عشان شايفين ان فية حاجات كتير كانت لازم تتعمل و ماحصلتش و مافيش تغير واضح فى خطوط الفقراء و المحتاجين الكتير الموجودين فى القرى و الصعيد و المساكن الشعبية الموجودة بكثرة فى انحاء القاهرة
من الاخر مصر مش ميدان التحرير بس  
شوف انت فية كام ميدان فى القاهرة و فى مصر ... !!!
ياريت لو انت حاسس ان مافيش حاجة اتغيرت انزل مع اخواتك اللى هايكونوا فى ميادين القاهرة ... اتكلم قول و اتظاهر بأدب ... عشان لازم يعرفوا ان شعب مصر مش سلبى 

شعب مصر لما بيحتاج حاجة بيطلبها بأدب و من غير بلطجة ...
الشعب دا صورتة اتشوهت بسبب حكامة للأسف و دى المصيبة السودا ...  ارجوك يا اللى ماشفتش تغير انزل و قول انا مش حاسس بحاجة .... فية ازمة لسة فى كل حاجة ... العيشة الكريمة مش موجودة ... العدالة مفقودة ... اللى سرق مروحة و اللى بيقول رأية بصراحة بيتحاكم عسكرى و اللى سرق البلد بيتحاكم مدنى ... ارجوكم شوفوا و فكروا ... واللى مش بيعرف يقرأ وصل له الرسالة دى و قول له لازم تخلى بالك عشان ولادك و عشان نفسك ... يا جماعة دى مصر
.......
سمعتك يا اللى بتقول ان فية حاجات كتير اتحققت !!!
قصدك تقول مجلس الشعب ... قصدك تقول ان الامن رجع ... قصدك تقول اية كمان .. ان الرئيس بيتحاكم ...
اسمحلى اقول لحضرتك ان دى تفاهة ممكن يعملها اى حد و مش محتاجة لرئيس ... 
اولا : مجلس الشعب بسبب الثورة اتعمل
ثانيا : الامن رجع عشان هما عاوزينة يرجع زى ما كانوا عاوزين انفلات فى البلد 
ثالثا : محاكمة الرئيس .. يعنى يا جدع الرئيس اللى كان قائد العام للقوات المسلحة ازاى يتحاكم مدنى (أ....ا) !!! ؟


سمعتك كمان بتقول ان احنا عاوزين نخرب البلد .. 
اللى كان عاوز يخرب البلد مكانش نضف مكان التظاهر بتاعة فى التحرير و مكانش كمان راح الانتخابات ...
اه انت بتقول انهم كانوا خايفين من الغرامة بتاعت 500 جنية !
طب ما هو الاستفتاء كان من غير فلوس و الناس كلها نزلت ... 


على العموم انا عاوزك قبل ما تحكم نفسك على ضغيان الشباب اللى بتتظاهر ارجوك حكم صوت العقل شوية ...


ويارب مصر تكون احسن بلد فى العالم  ... عشان كدا كلنا بنعمل كدا ......

احنا فى ايام امتحانات دلوقتى فياريت اللى هايتظاهر يخلص مظاهرة و يروح يذاكر ...و اللى هايعتصم يجيب كتبة معاه مش عاوزين حد يسقط  ... عشان مايقولوش فى الاخر الثوار فاشلين .. 
و اللى عندة شغل و يقدر يستأذن يعمل كدا و اللى مش هايعرف يخلص شغلة و يجى ... مش عاوزين فشل ... احنا ثوار النجاح مش الفشل 

الى مؤيدين الرئيس ...!!!

عندما يصبح هارون مشهورا !!! و مبارك مشغله !!!

يا جماعة انا مش طلعت مشهور و بس ....دا طلع الرئيس مبارك هو اللى مشغلنى ...و كمان فى احسن شغلانة ... محطة بنزين ... مش عارف اقول اية ... تصبحوا على خير ..

حقـى ضـــــــــــايع !!!

كل يوم الواحد بيسأل نفسة هل الحكومة او اى حد يقدر يجيب الحقوق اللى ضايعة من اهلها ... ؟ 

الأجابة هاتلاقيها فى التاريخ الاسلامى .. اللى جاب كل حقوق الناس و اصبح ما فيش عبوديه و تحررت الانسانية عن طريق العدالة ... فإن تحققت العدالة تحقق كل شئ .... بس هى فين أتأخرت اوى ..!!!

و يا ريت ماتنسوش تجيوا حق العيل دا عشان مش عارف يتصرف 

اعملوا له حاجة على قده

خروج آمن ؟؟؟ بدأت كوسة !!!

مبادرة الخروج الآمن للعسكر؟؟؟

معناه اية الكلام دا ؟ .. لية بتصروا ان شعب مصر ممكن ينضحك علية بأى شئ من الكذب و فاكرين انة شعب ساذج لا يفكر ... 
ياللى ماتعرفش اعرف ان الاخوان اللى الشعب رشحوهم فى البرلمان عاوزين يعملوا مبادرة اسمها الخروج الآمن للعسكر ؟؟؟ 
دا طبعا استهبال و لو بدأناها كوسة يبقى مكانش ليها لازمة من اساسة و من غير زعل كدا لو دا حصل يبقى انت بتعمل انفجار آخر و استحملوا بقى .... 
يعنى اية خروج امن للعسكر ؟ يعنى خرب يا عسكر زى ما انت عاوز و بهدل فينا و فى الاخر اخرج بسلام .... يا جماعة المجلس دا ايدة مليانة دم ناس كانت ممكن تكون شئ كبير فى البلد .. استشهدوا كونهم عاوزين الحقيقة .. لا إله الا الله محمد رسول الله .. انتم بدأتم بدون محاسبة المخطئ يبقى بلاش مجلس الشعب و لينا رب الرحمن الرحيم هو اللى يجيب لنا حقنا ... 
هاتقولى اية مصادرك انك عمال تتكلم كدا على الاخوان المسلمين ؟؟؟؟ 
اقولك .. لما واحد زى الشيخ وجدى غنيم يتكلم و يقول للأخوان انتوا ايه اللى بتهببوه دا ؟؟ يبقى اكيد الاخوان عملوا كدا .... 
ثانيا : هدوء الاخوان مابين العسكر و المجلس فى الفترات السابقة يبقى اكيد فية حاجة مستخبية مابينهم ...
ثالثا : يمكن يكون كل الكلام دا غلط و هما هايحاسبوهم بعد كدا ... 
رابعا : لو طلع الكلام بتاع المبادرة دا صح اخبط دماغك فى الحيط يا اللى اختارت حزب الاخوان ... بدأت بكوسة و هاتتهى بأية ؟


بعد الكلام دا انا ماعنديش امل لا فى حزب , لا فى مجلس شعب او شورى , لا فى رئيس قادم , لا فى بلد من اساسه ......
مش هايكون عندى غير( روح الله ) هى املى فى الحياه 
و اللى يزعل من كلامى يخبط دماغة فى اقرب حيط و لو مش عارف يخبطها !!!!!!!!!!!!

 اخبطها له انا بضميـــــــــــر

انا مش هاتكلم كمان عن الاخوان المسلمين و بس هأتكلم عن البابا شنودة و اللى عملة فى الكنيسة ساعة عيد الميلاد دلوقتى ... يعنى انت نسيت الناس اللى ماتت ؟ نسيت ماسبيرو ؟ هو فية اية ؟ للدرجة دى الشعب دا متبهدل من الكراسى .. يعنى حاجة تقرف..
هى الكراسى بيبقى فيها روح شريرة ؟؟؟؟ 
اتفوووووووووووو على المناصب و تحيا الفقراء  
حتى البابا شنودة (معــــ.....ص)
بس انا مش هانسى و هو بيشكر المجلس العسكرى الشاب البطل اللى قال
 يسقط يسقط حكم العسكر