كلة شمال

مبارك : شمال

برادعى : شمال

مرسى : شمال

حمدين : شمال

ابو الفتوح :شمال

طنطاوى : شمال

نخبة : شمال

حزب الوفد : شمال

حزب الحرية و العدالة : شمال

نخبة : شمال

احزاب  : شمال

كلة شمـــــــــــــــــــــــــــال X شمــــــــــــــــــــــال

طب يا شعب فين اليمين ؟؟؟؟؟

اروح ادور على اللى راح منى

من الاخر

البرادعى : رجل محترم جدا و لكن ارفض انه يحرك الشباب عن طريق الكيبور الخاصة بة

حامدين : شخصية ثورية رائعة لكن بيخرف و بيسيبنا نفكر فى الازمات و بلزقنا فى الحيط

مرسى : رجل طيب لكن ينساق الى  حكم المرشد و الاخوان و بدون ان يبدع فى قراراتة

ابو الفتوح : انسان طيب لكن فى وقت الازمة نسى الشعب و اتجة الى غزة


هما دول الناس اللى ممكن نقول عليهم لكن تعالى بقى على :
الزند,ابوحامد,بكرى,نهانى الجبالى ,شفيق,عبد المجيد محمود,السبايدر,عكاشة,مرتضى منصور 
كل الاشخاص دى فى اوسع حقيبة قمامة و انا عارف انها مش هاتكفيهم

19 نوفمبر 2011

انا كنت هأموت فى احداث محمد محمود اللى فاتت

يوم 19 نوفمبر 2011

اللى حصل اليوم دا عشان تفتكروا ان فية شباب من مصابين الثورة موجودين بالميدان و طلع ليهم الشرطة و الجيش و ضربوهم و منهم واحد عينة راحت يوم 28 يناير و عينة التانية راحت فى احداث 19 نوفمبر ( احمد حرارة) ..

الدكتور حرارة انا ما اعرفهوش شخصيا لكن انا متضامن مع اى حد مصري فى اى ظلم وضع فية ... اى مصرى حتى لو كنت ماشى فى الشارع انا هأقول لكم ذكرياتى مع الفترة دى

• نزلت يوم 19 نوفمبر عشان اشوف اية القصة فى الساعة 8 مساء .. و اتحبست فى محطة الاوبرا و ماعرفتش اطلع منها انا وناس كتير و ساعتها لاقينا الشباب بتهرب من الشرطة العسكرية
• طلعت فوق لاقيت واحد من شباب الشرطة العسكرية بيقول لى انت رايح فين ؟ ارجع تانى قلت لة انت هاتمنعنى عن شغلى ولا اية ؟ قال لى مافيش شغل انهاردة قلت له مش انت اللى هاتمنعنى ... ( العسكرى دا بجد كان شبة غرندايزر .. طويل و عصايتة طولى و الخوذة اللى لابسها شكلها يخوف ) مع ذلك كنت عاوز اروح الميدان بأى طريقة .... كنت ماشى فى الطريق لاقيت طريق الاوبرا عامل زى الانتفاضة فى فلسطين .. مليان طوب من اثر الضرب شكلة كان فية معركة ساخنة ومميتة ... بجد .. خفت لكن فكرت هو انا هأخاف من الظالم ؟ طبعا لا
• وصلت ميدان التحرير بقوة فى الوقت اللى كنت رايح فية لمحمد محمود لاقيت شباب بيهربوا من الدخان .. بس لاقيت حد بيقول اثبت اثــــــــــــــــــــــــــباااااااااااااااااااااات .....و بالفعل ثبت مكانى بعد ما كنت بهرب معاهم
• اتفرجت شوية على الاحداث و قررت انى مش هامشى غير لما يحصل حاجة توصلنا لطريق سليم و للأسف حتى اليوم لم نأخذ حتى حق اى حد
• اليوم اللى بعدة رحت الشغل الصبح و بالليل رحت الميدان بس المرة دى لاقيت اقنعة من كثرة الدخان .. انا وشى كان بيتحرق من  الدخان
• قعدت كتير اليوم دا لحد الساعة واحدة ... بجد شفت ابطال بيمسكوا اعلام مصر و مش بتفارق ايديهم على الرغم ضرب الخرطوش
• المرة دى تجرأت و ضربت معاهم بالطوب .... كنت فاكر اى اخدت قنبلة سخنة لسعت ايدى رحت خابطها برجلى بعيد
• بعد كدا اتعلمت ازاى امسك القنبلة و هى سخنة و ارميها بعيد عليهم
• عرفت و اعترفت ان فية شباب كتير من مصر جرئ بطريقة يخاف منها اى عدو

اعترفت لنفسى ساعتها انى فخور ان ثورتى الحقيقية ابتدأت فى 19 نوفمبر 2011

انا مصرى

هل نت معى ام مع من؟ .... انا مصرى هل لديك مانع ؟

اصبح الجميع يمشى بطريقة غريبة و كأن كلامه هو المصدق و المفروض ان يكون صحيحا ... رأيت هذا ايامالانتخابات ان من يختار شخص معين فهو الرجل الصحيح فقط ولا يوجد غيرة ... هذا رأيك انت و لكن اسمح لى ان اختار من اريد فهو طريقى انا و ليس طريقك انت ......

شبابب يموت من اجل الكلمة .. نشجع هذا و لكن لانريد ان يموت ابنائنا عبثا بلا مقابل .. ارجوكم يا شباب مصر تريثوا ولا تجعلوا من هم نخبة يحركون دمائنا الى التهلكة .... اطلب منك ان تثور و لكن بعقلك و اعلم انك ستخرج الى الطريق الصحيح ... فأنت صاحب مصير نفسك