لم تتوقع ما يحدث ؟
يبقى انت اكيد غلطان .. عارف لية ؟ عشان كل حاجة كانت باينة من اول ما بدأت الانتخابات ... و لك التحليل
-عشان يطلع حازم صلاح ابو اسماعيل من الانتخابات ( سواء كانت امة امريكية او لا ) يبقى لازم فية واحد قدامة بنفس الشراسة يطلع من اللعبة و عشان هو مش موجود يبقى لازم يدخل و كان بالفعل اللواء عمر سليمان
يعنى بالبلدى كدا ( عمر بية سليمان ) مش هايقدر يجيب 3000 توكيل زيادة ؟؟؟؟؟؟؟
- حامدين صباحى و ابوالفتوح معروفين جدا و محبوبين جدا جدا .. عشان كدا نخليهم و يحتار شعبنا الحبيب بين دا او دا ... و كان حامدين و ابوالفتوح الاتنين غلطانين لو حد منهم كان اتنازل كان زمان مصر بتنافس على رئيس و نائب رئيس اقوياء
اسف يا مرشحين الثورة عملتوها و وقعتوا فيها الصغار اللى كانوا محتارين
- الاخوان اكبر كيان منظم فى مصر و يجب ان نعترف اعتراف شديد قوة لا يستهان بها لكن معظم الشباب يكرة نظام الخلافة و الولاية و يتخوف الكثيرين من تشابة مصر بـــآيران و بالطبع اصبح رصيد الاخوان ضئيل جدا مع معظم شباب مصر عشان قالوا انهم هايرشحوا مجلس الشعب و مش عاوزين الريأسة ... فلا توجد مصداقية فى الشارع بين الاخوان و شباب الثورة
- و عشان اسهم شفيق تبدأ فى الأرتفاع يبقى لازم تشتيت فى الاصوات اللى عاوز نسر يختار و اللى عاوز حصان يختار و اللى عاوز ميزان ..... و السلم وقع علينا كلنا و بدل ما نكسره .. راح مدغدغ الثورة كلها و شفيق مش سهل راح لكتل من المسيحيين عشان يؤيدوه و لما تكون الاصوات مفتتة يبقى اكيد اصوات المسيحيين ضربة قاصمة بس السؤال دلوقتى لكل مسيحى اختار شفيق
هاتعمل اية فى مرسى لما يكون رئيس ؟
- هشام البسطاويسى رجل مغلوب على امرة و كان يتمنى الاتحاد و لما عرف ان كل واحد متمسك برأية قرر هو كمان ان يتمسك برأية و يخوض سباق الريأسة ....
- عمرو موسى فى حالة صعبة جدا ... و دا حال الناس اللى عندها جنون العظمة لكن رصيدة اختفى من مناظرة ابو الفتوح اللى هى كمان اضاعت من رصيدة الكثير و دا عشان كل واحد فيهم جرح التانى
_ جزمة شفيق .... لو قلنا ان دى حصلت حقيقة او تمثلية عشان تعاطف الناس ... فى كلتا الحالتين نجح شفيق بالجزمة اللى جعلتة مشهور و يتعاطف مع الكثيرين
- اشمعنى المنوفية صوتت كثير لشفيق ؟ عشان من طبعهم بيحبوا العساكر و ما تنسوش ان المنوفية تعتبر معقل كبير جدا للفلول و كان كمال الشاذلى او احمد عز من الشخصيات البارزة فى المنوفية
- اشمعنى الشرقية رشحت بأغلبية لشفيق ؟... بصراحة لاتعليق و يمكن هانتكلم عليها عشان دى مركز كبير جدا من الاهتمام
عزيزى المواطن التحريرى
فى بقاع مصر
نحن لم نخطأ ابدا فى انتخابنا لكن من اخطأ هو من اراد التمسك بالكرسى دون التنازل
و ادعى معايا ...
حسبنا الله و نعم الوكيل
