كل عام وانتم بخير

هذه ليله رمضان السعيدة التى احببنا اجوائها من الصغر.....مصر بهوائها و جوها و سمائها و ارضها ....افضل مكان به اجواء رمضان .....كل سنة وانتم طيبين جميعا

أمن شرهم

من علم لغة قوم امن شرهم ... يجب ان تعرف لغة القوم الاخر كى تعرف ان تحاورهم و تهزمهم ...هذا هو السلاح الرهيب كى تصل الى ما تريدة بأقل خسائر

يوم بكت فية مصر 23-7-2011

ذهبت الى الاسكندرية انا و زوجتى كى ابتعد عن ضغط العمل المستمر و اهدأ من الانفعال الثورى الموجود بداخلى  ... رأيت خطاب المشير الموجهه للأمة المصرية كى يهنيهم بالثورة 23 يوليو .. خطاب المشير كان هادئ و بعيد عن مطالب المعتصمين بالميدان .. هذا الخطاب لم يكن مايريدة شباب التحرير(شباب مصر) . 

شباب مصر لم يعد لهم ثقه فى اى شخص لأن , فبعد ما حدث من تأجيل و برأه و خروج بالكفالة جعل الشباب ينفعل و يثور مرة اخرى ... لكن ما حدث يوم 23 يوليو فى ميدان العباسية جعل شهيتى للفسحه تكاد معدومة فما حدث لشباب المصر السلميين فى المظاهرة جعلنى ابكى انى لم اكن فى ميدان العباسية مع الشباب .. مم جعلنى اتأثر اكثر من انه شباب مصرى ضد شباب مصرى مختلفون فى الرأى . انضم اليهم بالطجية فساحت الدماء على الاسفلت امام مسجد النور ...

لا حول ولا قوه الا بالله

دهاء المجلس العسكرى

فية حاجة يمكن اشوفها صح فى تأجيل الانتخابات .. الاخوان رفضوا الاعتصام لية ؟ عشان عاوزين الانتخابات تتم فى اسرع وقت و بعدها يدخلوا المجلس بالاغلبية ... يقوموا يرشحوا رئيس منهم فيهم و ساعتها بقينا دولة الاخوان .... لكن بعد القرار دا هاتلاقى الاخوان دخلوا الاعتصام عشان الغاية بتاعتهم ماتحققتش .. و ساعتها بقى هايكون منظرهم سئ للغاية امام الشعب وبان ما هو يرغبون به ارجع و اقول دا رأى فقط لا غير

بسبب اصبع واحد ..ضاع كل ماحققتة الاصابع الخمسة

مقالة كتبت اليوم فى جريدة التحرير رائعة من طارق الشناوى اسمها (لغة الجسد) ...

المفالة بتقول ان فية حركات من الجسد ممكن تضيع اللى انت عملتة .. انت لو لاحظت خطاب الفنجرى كتابيا دون نبرة الصوت او الحركات هاتشعر انه مش للناس اللى فى التحرير هو كان بتكلم فى بيانه عن العملاء و اللى بيعطلوا مسيرة العمل ... مالهم و مال الناس اللى فى التحرير...الناس اللى فى التحرير فتحت المجمع عشان مصلحة الناس ... و بتعمل كدا عشان مصلحة مصر.... لكن لغة التهديد يجب ان تلغى من قاموس المصريين فشعب مصر لن يهدده اى شخص من بعد الثورة ... فيا مجلس لاتتحدث مع هذا الشعب بلغة التهديد

8 يوليو تجديد لثورة لم تنتهى

بعد تباطئ المحاكمات اندلعت الشرارة الثورة من جديد ... بدأت من السويس مفجرة ثورة 28 يناير ... نحن نتفائل بهذه البلد المباركه فى كل النضال فمن ايام الانجليز و نحن نقرأفى التاريخ ان السويس بلد الجهاد و الاستشهاد , ولذلك طبعت على قلوبنا كلمه السويس تبدأ أولا فى طريق الحرية والنضال الثورى مم يفجر الديناميت الموجود بكل عواصم مصر (الاسكندرية , القاهرة)  ليدوى انفجارا تسمعه كل قلوب المصريين من منطقة ميدان الحرير و منطقة القائد ابراهيم ....فهم نقاط النبض و الشرايين لجميع بيوت مصر حتى نصر الى رغبتنا الثورية الحقيقية التى نادينا من أجلها و سنظل نندادى حتى تتحقق المطالب الثلاث لنا ( عيش , حرية , عدالة اجتماعية ) 

  كنت اقول دائما ان من لحظة تنحى مبارك و هذا الشعب لن يهاب اى شئ يكون ضد مصلحت جمهوية مصر العربية .....

اتمنى ان تذهب الى يدان التحرير الان كى ترى الثورة التى لم تنتهى .....!!!

اسأل نفسك !!!

مين اللى خلى مبارك يتنحى متأخر ؟
مين أخر دخول سرور و عزمى و صفوت السجن؟
مين اللى حرق و فرم ملفات امن الدولة ؟
ليه مبارك موجود فى شرم الشيخ ؟ 
هو حقيقي جمال و علاء و مغربى و جرانة و عز و الفقى و العادلى فى السجن ؟؟؟؟؟؟
طب لية مبطئين محاكمتهم ...؟
طب لية لما عصام شرف طلع فى التلفزيون ما قالش ان مطالب الثوار هاتتحقق كلها ؟؟؟؟
طب ليه عصام شرف ما نزلش الميدان معانا زى زمان ؟؟؟؟؟؟ 
طب لي عصام شرف مبقاش بينزل الشارع و يمشى على رجلية ؟
طب لية ؟؟؟؟ طب لية؟؟؟؟ طب لية؟؟؟؟؟؟ 
معلش اتعب معايا عشان نوصل لحل

ماتستاهلش

والله يا بلدى ما تستاهلى حكامك دول ..... والله يا شعب انت اكتر واحد مظلوم ....حرامية كتير ,,,, و الجعانين اكتر ..,.. وانت اللى خلقت بلطجية يا نظام يا قديم .... انتوا كنتوا فاكرين انها خالدة وليكم على طول....طلعت مالهاش عزيز و لبستوا كلكم طرح...........والله يا بلد ماتستاهلى غير كل خير....عشان كدا انا معاكم يا ثوار مصر....بدون ائتلاف............ بدون حركات............ بدون احزاب ................انا مصرى مع المصريين

تأخر دراسى

المشير عندة مشكلة فى السمع هو و عصام شرف.........يا مشكلة فى السمع يا تأخر دراسى ..... يا جماعه الامهات مش عاوزين لا تعويض ولا زفت ..عاوزين قصاص. ...مش فاهم نقولها بأى طريقة عشان يفهموا

ملوك العرب

حسبنا الله و نعم الوكيل من كل ظالم و اطاغى فى الارض .... كيف تحسبون علينا مسلمين يا ملوك يا قادة و انتم اسوأ من رأيت عينى و اعين العالم ... حسبنا الله و نعم الوكيل ... اطفال تموت ... شباب ارتوت اراضيهم بدمائهم كى تنبت نبته الحية الاصيلة .... حسبنا الله ونعم الوكيل ... جفت دموعى و دموع الناس من حولى و انا انظر الى اطفال العالم العربى يغرقون فى دمائهم ... حسبنا الله و نعم الوكيل

خطاب شرف

مخيب للأمال ..

كنا نتوقع شئ رادع ينهى الاعتصام الموجود بالسويس و التحرير لكن بهذة الطريقة سيبدأ العد التنازلى لغضب اخر موحش يضيع فية الصالح بالطالح مثل ما حدث فى 28 يناير .... ارجو ان يسامحكم الله على تباطئ الاحكام .فهذا ظلم 

الشجرة الخبيثة و الثعبان

عارف الفرق بين الشجرة الخبيثة و الثعبان؟؟؟؟ الثعبان لو قطعت دماغة مات الجسم كلة ..... لكن الشجرة الخبيثة لو قطعتها من فوق فجذورها موجودة و هاتنمو تانى ..... احنا بقى عندنا شجرة خبيثة مش ثعـــــــــــــــــــــــــــبان !!! يارب احرس مصر

واحد من الثوار

انا مش محتاج اى حاجة غير ان بلدى تبقى احلى بلد....مش محتاج غير انى اعيش عيشة كريمة مش محتاج غير (عيش - حرية - عدالة اجتماعية ) عاوز اكون محترم من اول ما اصحى الصبح لحد ما أنام ....النظام القديم ماسمحليش بكدا .... وعشان كدا انا مش هاسمح لاى نظام جديد انه مايخلنيش اعيش عيشه كويسة ..... هافضل احارب عشان عيلتى و اهلى لحد ما اموت .... لن اعيش مزلولا من اليوم 
تقدر تكون زيى او احسن منى كمان .... ربنا يوفقنى و يوفقكم

من احلى ما كتب احمد فؤاد نجم عن حال البلد

طاطي راسك طاطي طاطي .. انت ف وطن ديمقراطي .. انت بتنعم بالحرية .. بس بشرط تكون مطاطي
لما تكون شغال بذمة .. خايف على مصلحة الأمة .. شغلك يطلع من غير لازمة .. علشان مبيعلاش غير واطي طاطي راسك طاطي طاطي .. انت ف وطن ديمقراطي

لما حاميها يكون حراميها .. وبلاده ورا ضهره راميها .. طالع نازل واكل فيها .. مسنود بالبدلة الظباطي طاطي راسك طاطي طاطي .. انت ف وطن ديمقراطي

لما شقاك يصبح مش ليك .. فقرك سد السكة عليك تتلفّت تلقى حواليك .. إما حرامي و إما عقاطي طاطي راسك طاطي طاطي .. انت ف وطن ديمقراطي

لماتلاقي بلاد الدنيا .. فيها البني آدم حاجة تانية .. وانت في الطبقات الدنيا .. قرد مسلسل أو وطواطي طاطي راسك طاطي طاطي .. انت ف وطن ديمقراطي

لما الجهلة يبقوا أمامك .. أو فوقك ماسكين ف زمامك .. ويسوقك ع الهلكة إمامك .. تشرب م السم السقراطي طاطي راسك طاطي طاطي .. انت ف وطن ديمقراطي

لما الكلمة تكون بتدينك .. لما تخبي ف قلبك دينك .. لما الذل أشوفه ف عينك .. هات إحباطك على إحباطي طاطي راسك طاطي طاطي انت ف وطن ديمقراطي .. انت ف وطن ديمقراطي