عشان مصر كانت بتكرة مبارك ؟ ... طبعا لأ
عشان مش عاوزين جمال يمسك الحكم ؟ طبعا لأ
عشان شلة الحرامية ؟ ..........طبعا لأ
طب عشان اية ؟؟؟؟؟
عشان ( عيش , حرية , عدالة اجتماعية ) ...تفتكر لو كان فية سرقة و كان ما كان فى مصر لكن فية الثلاث حاجات دول كنت اتكلمت ؟ كنت قلت حاجة ....كل اللى احنا عاوزينه نعيش عيشة كويسة , نحس بالحرية , يكون فية عدالة ...لكن تقول اية ...ناس سافلة كانت ماسكة البلد و لسة فيه لحد دلوقى ناس سافلة و ان شاء الله جايين فى السكة ....
لو كنت انت عايش عيشة كويسة و عندك حرية و عدالة اجتماعية كنت خرجت من بيتك وعملت ثورة ...تبقى مفترى و ماتزعلش منى لو كنت قلت كدا ..لأن دى اقل الحاجات اللى لازم نحس بيها
قلتوا كفاية ان مبارك مادخلناش فى حرب لمدة 30 سنة و كان فية امان ....و دى طبعا اجابة خاطئة بيقع فيها كل واحد بيفكر نفس التفكير دا ..
لكن الاجابة الصحيحة هى ( لو مكانش فية حرب يبقى لازم يكون فية ازدهار ...فين بقى الازدهار ....مع الفساد طار ...)
طب نتكلم عن الامان ... مش عاوزك غير تسأل اى حد كان بيشتغل فى مكان مقطوع كل يوم بيروح له عشان اكل العيش و كان بيتعرض لأية من مخاطر و مصائب ...لكن اقولك فى الاخر كان بيخبوها عشان ماتعملش بلبلة ......
يا اللى بتكلم عن الامان فى عصر مبارك ...ما أتكلمتش لية عن البلطجية اللى عملها عصر مبارك ...
مبارك ظلم ناس كتير بحكمة لمصر و اكيد ربنا عمل فيه كدا عشان بأيده الاصلاح و هو بخل على شعبة ... و دى نهاية كل جبار فى الارض ..ربنا يمهل ولا يهمل عباده ....
انهارده ليله القدر ... انا مش هأدعى على حد من الناس اللى نشفت ريقنا و بهدلتنا لكن هاقول دعوه سيدنا محمد صلى الله عليه وسلم
اللهم انك تحب العفو فأعفو عنا
ولا تسلط علينا بذنوبنا من لا يخافك ولا يرحمنا
امين يا الله
ليست هناك تعليقات:
إرسال تعليق