حكاية غضب
كان مرة واحد حكايتة بدأت يوم 28 يناير 2011 ...مش منضم لأى حزب او اى حركة او اى بتاع ...كل همه و كل اللى فى دماغة ازاى يوصل لشغلة اللى بعيد عن بيتة بحوالى 36 كم !!! كل يوم 36 كم رايح و 36 كم جاى ...كان كل يوم بيدعى ربنا ان الرئيس مايكنش بيعدى الصبح عشان مايوقفش الطريق علية ..عشان يوصل مكان شغلة فى الوقت المظبوط .. لكن للأسف كان بيأخرة فيدعى علية و يتحسبن ...
يوم 25 يناير (كان يوم ثلاثاء) شاف الشباب وهما بيتظاهروا و عاوزين حقهم .. بس استغرب حق اية اللى عاوزينة دا ...؟ما هى البلد حلوه و جميلة و زى الفل !!! كان للأسف لابس نظارة سودا و مش شايف غير خيالاتة....و اخرتها العيال اللى بيتظاهروا دول دخلوا البوكس و تمرمطوا و اتبهدلوا.....السؤال بتاعه اللى بيلح عليه دائما ... لية الشباب دول بيقفوا فى فم الاسد ...لية بتظاهروا ؟؟ يا عم الباب اللى يجيلك منة الريح سدة و استريح ....وفى اخر يوم 25 يناير انتصرت قوات الشرطة على العملاء الخونة ..
يوم 26 يناير كان هادى عن يوم 25 لكن كان فية مظاهرات بردوا مش زى امبارح لكن كان فية و كان نفس المنظر يوم 27 يناير ...و السؤال هو ...اخر دا كله اية ؟ ... !!!
يوم الجمعه 28 يناير كان اجازتة ... على الرغم من كدا لازم تليفونة مايتقفلش ...لكن الحكومة قفلت لة الثلاث خطوط ...مبقاش عندة حيلة غير انة يتحسبن بصوت عالى على البلد و على حكام البلد و على كل حاجة كانت ممكن تكون احسن و بهدلونا ...!!! حسبنا الله و نعم الوكيل
ليست هناك تعليقات:
إرسال تعليق