المربع رقم صفر

طبعا احساس وصل ليك وليا و لكل الناس بعد ما تم حل مجلس الشعب و أصبحنا على حافة الهاوية ... لكن المنظر اللى موجود فى مصر دا بيفكرنى بجد بلعبة السلم و الثعبان بالضبط .. بترمى الزهر و الرقم اللى يطلع فى ايدك بتحركة لحد المربع بتاعة و لو صادف معاك سلم بتطلع و لو ماصدفش ؟ .. اديك بتهرب من الثعبان اللى هايوصلك لتحت تانى ..

المشكلة ان لعبة السلم و الثعبان مش بتأخد وقت معانا فى اللعب .. ما فيش اسهل من كدا و بتبقى مستمتع لما بتلعبها .. و بتبقى مدايق لما بتقابل ثعبان بيضيع لك كل التحركات اللى انت اتحركتها ... لكن فى الاول و فى الاخر دى لعبة ..

المشكلة الأكبر من كدا ان احنا فى لعبة سلم و ثعبان شعرنا بمتعتها فى الوهلة الاولى و بعد ذلك صدمنا بالثعابين الكثيرة الموجودة على الرقعة حتى وصلنا الى المربع رقم صفر ..

المشكلة ان الشعب مش بيلعب مع شخص واحد .. دا بلعب مع المجلس العسكرى و الاخوان و جميع الاحزاب و دا بيسبب لة غوغائية فى التعامل معاهم ..

الشعب طول الطريق و هو ماشى على الرقعة بيسأل نفسة .. اصدق مين ؟ الاخوان , اليساريين , الليبراليين , السلفيين , العسكريين ؟؟؟؟؟؟؟؟ و فى الاخر بيتعب من التفكير .. و بيمسك الزهر فى ايدة و يلعب و يا صابت يا نفضل فى الخيبة اللى مش عارفين نهرب منها

.

.

.

.

.

.

.

.

.

معلش يا صاحبى

الفــــــرج من صاحب الفـــرج
قريــــــــب