طبعا كلنا سمعنا عن الشرطة العسكرية .... تعرف اية هى الشرطة العسكرية ؟؟؟
لو سألت اى حد فى الجيش مين هما الشرطة العسكرية هايقول لك اوسخ عساكر .... و على فكرة انا كنت فى الجيش و كنت بقول عليهم اوسخ عساكر بجد .... لية ؟؟؟؟؟؟
الشرطة العسكرية مؤهلات متوسطة و بيتم تنقيتهم عن طريق الجسم و الطول فتلاقيهم طوال زى النخل و مش بيتفاهموا مع اى حد ...
انا لما كنت عسكرى كنت بستخبى من الشرطة العسكرية عشان ما حدش يأخدنى لكشك الشرطة و يرخم عليا عشان جزمتى مش متلمعة او هدومى حتى لو كانت مكوية يقول انها مش مكوية .... و فى الاخر لو لقانى تمام و مش عارف يتكلم معايا يقول لى سمع لى نشيد الجيش .... (رسمنا على القلب وجهه الوطن ) .
يعنى من الاخر يطلع عين اهلك 21 يوم فى الكتيبة او اكتر و لما تأخد اجازة تكون مستخبى من الشرطة العسكرية ....
على فكرة دا حال الضباط كلهم مضايقين من الشرطة العسكرية ...
المفروض ان الشرطة العسكرية دور رقيب على الجيش ...و بيكون فى اخر خط المعركة عشان لو جندى هرب ينضرب بالنار ... و دا طبعا مابيحصلش ابدا ..........!!!
ازاى الجيش بيعمل غسيل مخ للناس دى ؟؟
عسكرى الشرطة العسكرية بيتبهدل تمارين من الصبح لحد الليل ..... دا غير الخدمة الليلية و شتيمة و بهدله من الضباط و صف الضباط ... و فى الأخر بيجمعهم القائــــد و يقول لهم ( شفتوا ... تدبهدلوا و تتمرمطوا و تخدموا البلد و فى الاخر يجي شباب ولاد (.... ) يخربوا البلد لازم تعلموهم ازاى يحترموا الــبلد ) !!!
طبعا اكيد لو شاف اخوه قدامة هايبهدلة
و هى دى يا نــــــاس الشرطة العسكرية
ليست هناك تعليقات:
إرسال تعليق